Fortuna Crítica

As críticas literárias (bem como as cinematográficas e musicais) publicadas no suplemento Actual do semanário português Expresso costumam ver a luz na internet no web do semanário desde Janeiro de 2009 na secçom Escolhas Expresso (que conta com feed próprio). Contodo, a periodicidade da publicaçom é mui irregular. Nestas últimas semanas, as críticas posteriores ao Actual de 17 a 23 de Abril nom fôrom publicadas, tal como acontecera já em várias semanas consecutivas de Outubro e Novembro do ano passado.

Em contraste, o suplemento Ípsilon do jornal Público inclui regularmente as novas recensões publicadas na secçom de crítica literária do seu portal web, secçom que nom tem feed próprio mas da qual elaboramos este.

Para manter-nos informados das críticas do Actual que nom som disponibilizadas na internet vale conferir o blogue dum dos seus críticos literários, o Bibliotecário de Babel, de José Mário Silva, que geralmente nas sextas-feiras informa das críticas que publicará o Actual no dia seguinte e posteriormente publica a sua (sendo as das últimas semanas omitidas as de O Apogeu de Miss Jean Brodie de Muriel Sparks e Point Omega de Don Delillo).

Desde aqui pedimos, portanto, umha maior pontualidade e regularidade ao portal Expresso na actualizaçom da sua secçom Escolhas Expresso.