No passado sábado, 12 de junho, fôrom entregues, na Ilha de Sam Simom, o XXVII Prémio Xerais 2010 a Iolanda Zúñiga polo romance Periferia, e o XXV Prémio Merlín de Literatura Infantil 2010 a Teresa González por A filla do ladrón de bicicletas.
O júri desta ediçom do Prémio Xerais estivo composto por Comba Campoy (atriz), Manuel Ángel Candelas Colodrón (professor da Universidade de Vigo e blogueiro), Roberto Pérez Pardo (profissional do livro), Belén Regueira (jornalista), Antón Sobral (pintor) e Fran Alonso (secretário do júri, en representaçom de Xerais, com voz e sem voto). No seu juízo, o romance designado vencedor por unanimidade
«constitúe unha achega necesaria á renovación da narrativa galega a través dunha concepción potente e nítida de cal debe ser unha forma de narrar para o tempo actual. Un relato compacto, tamén mesto, extenso e verdadeiramente fascinante, cun enorme poder de seducción.»Os membros do júri do Prémio Merlín fôrom An Alfaya (Prémio Merlín, 1997), Jacobo Fernández Serrano (Prémio Merlín, 2009), Antonio García Teijeiro (Prémio Merlín, 1996), Mar Guerra (Prémio Merlín, 2008), Gloria Sánchez (Prémio Merlín, 1990), e Helena Pérez Fernández (secretaria do júri, em representaçom de Xerais, com voz e sem voto).
Mais informaçom no blogue da editorial convocante.
O Pessoal... e Transmissível, programa cultural da TSF conduzido por Carlos Vaz Marques, emitiu esta mesma tarde umha entrevista com o escritor galardoado co Prémio Príncipe de Astúrias das Letras 2010, Amin Maalouf:
O Prémio Franz Kafka 2010 foi concedido onte, 8 de junho, ao dramaturgo Václav Havel, ex-presidente da República Checa, "polo seu contributo à literatura checa e mundial".
O Júri desta décima ediçom do prémio estivo composto por John Calder, Peter Demetz, Marianne Gruber, Oldrich Kral, Kurt Krolop, Marcel Reich-Ranicki, Jiri Stransky e Hans Dieter Zimmermann.
Este prestigioso prémio foi criado em 2001 pola Sociedade Franz Kafka de Praga, que o organiza anualmente em colaboraçom coa Cámara Municipal da capital checa, para distinguir autores polo carácter humanista da sua obra, o seu contributo á toleráncia cultural, nacional, lingüística e religiosa, o seu carácter existencial intemporal, a sua validez humana geral e a sua capacidade para constituir um testemunho do nosso tempo.
Eis a lista dos autores distinguidos co Prémio Franz Kafka:
2001: Philip Roth (EUA)
2002: Ivan Klíma (República Checa)
2003: Péter Nádas (Hungria)
2004: Elfriede Jelinek (Áustria)
2005: Harold Pinter (Gram-Bretanha)
2006: Haruki Murakami (Japom)
2007: Yves Bonnefoy (França)
2008: Arnošt Lustig (República Checa)
2009: Peter Handke (Áustria)
2010: Václav Havel (República Checa)
Como se comprova, embora o carácter internacional do prémio, destacam autores checos e da Europa oriental.
E hoje mesmo o Prémio Príncipe de Astúrias das Letras 2010 foi outorgado ao autor libanês de expressom francesa Amin Maalouf, "que desde a ficçom histórica e a reflexom teórica tem conseguido abordar com lucidez a complexidade da condiçom humana". O júri destacou também que "face à desesperança, a resignaçom e o vitimismo, a sua obra desenha umha linha própria cara à toleráncia e a reconciliaçom, umha ponte fundada nas raízes dos povos e as culturas".
Amin Maalouf tem traduzidos na Galiza A deleiba do mundo e A Viaxe de Baldassare pola editora Xerais e em Portugal a maior parte da sua obra sob a chancela da Difel (incluindo o romance O Rochedo de Tanios, ganhador do Prémio Goncourt em 1993, e publicado no Brasil pola Companhia das Letras).
Nesta trigéssima ediçom do Prémio Príncipe de Astúrias das Letras concorrêrom 27 candidaturas e ficárom finalistas, junto ao autor libanês, a autora catalã de expressom castelhana Ana María Matute, e o poeta chileno Nicanor Parra. Este é o décimo ano consecutivo em que este prémio distingue um autor fora do ámbito hispano. O último autor galardoado de língua castelhana foi Augusto Monterroso em 2000. Mas antes, só numha ocasiom se afastara desse ámbito lingüístico, quando distinguiu o alemám Gunter Grass, em 1999.
O Júri do Prémio Príncipe de Astúrias 2010 na categoria das Letras estivo presidido por Víctor Garcia de la Concha, director da Real Academia Espanhola, e integrado por Andrés Amorós Guardiola, Luis María Anson Oliart, J. J. Armas Marcelo, Blanca Berasátegui Garaizábal, Carmen Caffarel Serra, Pedro Casals Aldama, Antonio Colinas Lobato, Milagros del Corral Beltrán, Jacobo Fitz-James Stuart y Martínez de Irujo, José Luis García Martín, Pilar García Mouton, Olvido García Valdés, Manuel Llorente Manchado, Rosa Navarro Durán, Berta Piñán Suárez, Fernando Rodríguez Lafuente, Fernando Sánchez Dragó, Diana Sorensen e Román Suárez Blanco (secretário).
A Universidade do Porto tem disponível no seu web a tese de mestrado Amin Maalouf : a literatura como mediação entre Oriente e Ocidente, apresentada por Maria José Carneiro Dias em 2009.
Na quarta-feira passada, 2 de junho, a Academia Brasileira das Letras concedeu o Prémio Machado de Assis 2010 ao crítico, professor e ensaísta Benedito Nunes, ao tempo que deu a conhecer os vencedores da ediçom deste ano dos seus prémios nas categorias de ficçom, literatura infanto-juvenil, traduçom e poesia.
Eis a informaçom sobre os ganhadores, a citaçom de cada ditame destacada pola ABL e a composiçom do júri de cada categoria:
| Prémios ABL 2010 | Premiado | Júri |
| Machado de Assis 2010 | Benedito Nunes | Eduardo Bortella (Presidente), Alfredo Bossi (Relator), Lygia Fagundes Teles, Tarcisio Padilha, Domicio Proença Filho. |
| Ficçom (conto, romance, teatro) | Outra vida de Rodrigo Lacerda «uma obra que se lê com prazer na sua economia de meios, na sua própria brevidade» | Ana Maria Machado, João Ubaldo Ribeiro, Luís Paulo Horta. |
| Literatura Infanto-Juvenil | Marginal à esquerda de Ângela-Lago «é um livro impactante, singelo e instigante, que muito merece o prêmio de literatura infantil» | Arnaldo Niskier, Murilo Melo Filho, Cícero Sandroni. |
| Traduçom | Pequenas traduções de grandes poetas de Milton Lins. «constituem preciosas antologias da melhor poesia que se escreveu na literatura ocidental desde o século XVI» | Carlos Nejar, Ivan Junqueira, Evanildo Bechara. |
| Poesia | A máquina das mãos, de Ronaldo Costa Fernandes «livro em que a experiência pessoal do poeta, convertida em linguagem, se transmuda em poemas de excelente nível, e nos quais se casam a emoção e a execução apurada, sob a regência de um rigor que não exclui a aventura e a transgressão» | Lêdo Ivo, Affonso Arinos de Mello Franco, Alberto da Costa e Silva. |
Ganhador do Prémio Goethe 2002, e conhecido como "o papa da literatura", Reich-Ranicki tornou-se popular na Alemanha polas suas intervenções no programa Literarisches Quartett (Quarteto Literário), do canal televisivo ZDF, no qual el e outros três críticos (o quarteto) debatiam a respeito de um livro. Este pograma foi emitido entre 1988 e 2001 e nel fôrom debatidos cerca de 400 livros. Posteriormente conduziu em solitário o programa, também sobre literatura, Solo. A sua fama é devida à forma mordaz e colérica de expor as suas críticas negativas e às suas polémicas com escritores como Günter Grass ou Martin Walser.
Esta mesma tarde foi anunciada em Lisboa a concessom do Prémio Camões 2010 ao poeta brasileiro Ferreira Gullar, pseudónimo de José Ribamar Ferreira, nascido o 30 de setembro de 1930 em São Luís, capital do Maranhão.
Na cerimónia do anúncio do vencedor, a ministra portuguesa de Cultura, Gabriela Canavilhas, destacou a "actividade cívica e política" desenvolvida polo escritor contra a ditadura militar.
O júri desta vigéssima segunda ediçom do prémio, composto por Helena Buescu (professora catedrática da Faculdade de Letras da Universidade de Lisboa), José Carlos Seabra Pereira (professor associado da Universidade de Coimbra), Inocência Mata (escritora santomense e professora da Faculdade de Letras da Universidade de Lisboa), Luís Carlos Patraquim (escritor e jornalista moçambicano), António Carlos Secchin (escritor e professor da Universidade Federal do Rio de Janeiro) e a escritora brasileira Edla van Steen, elegeu Ferreira Gullar por maioria e destacou a "nota pessoal de lirismo" e os "valores universais" da sua obra.
Sete Palabras, a última obra de Suso de Toro, foi distinguida no passado 29 de Maio co "Prémio da Crítica Galicia" na modalidade de criaçom literária, que concede a Fundación Premios da Crítica Galicia.
Segundo informam Vieiros e A Nosa Terra, um júri presidido por Alfredo Conde, e do que também formou parte Luís González Tosar, valorizou
que é unha obra na que se recolle a súa evolución como escritor, respondendo ás esencias galegas sen renunciar á universalidade; polo tratamento de temas fundamentais, como a memoria, o autocoñecemento e a referencia ao pasado como fórmula para entender o presente e proxectar o futuro
a subversión dos xéneros tradicionais e a experimentación formal, cun resultado orixinal que nos sitúa ante un autor de referencia no noso sistema literario
Mensagens mais recentes Mensagens antigas Página inicial